3х3 сагсчид өнөөдөр шийдвэрлэх тоглолтуудаа хийнэ

XVIII Азийн зуны спортын наадам энэ оны 08 дугаар сарын 18-наас 09 дүгээр сарын 02-ны өдрүүдэд Индонез улсын Жакарта, Палэмбанг хотуудад зохион байгуулагдаж байгаа билээ. Тэгвэл сагсан бөмбөгийн 3х3 төрлийн Монгол улсын эрэгтэй шигшээ баг маань В хэсэгт багтсан бөгөөд Тайван, Бангладеш, Киргизстан, Өмнөд Солонгос багуудтай нэг хэсэгт орсон билээ.

Тэд өнөөдөр 17:20 цагт Кыргызстаны багтай хийх бол БНСУ-ын багтай 18:50 цагт тоглоно. Эхний хоёр тоглолтоо 23-нд хийсэн бөгөөд эхний тоглолтоо Тайваны багтай хийж 15-19 харьцаагаар хожигджээ. Харин хоёр дахь тоглолтоо Бангладешийн багтай хийсэн бөгөөд 17-13 харьцаагаар хожиж эхний хожлоо байгуулсан билээ.