Италийн “Loriblu” брэндийг эх орондоо нутагшуулж буй бизнес хатагтай

Италийн хамгийн шилдэг, хамгийн тансаг дээд зэрэглэлийн брэндэд тооцогддог “Loriblu” компанийн салбар дэлгүүрийг гурван жилийн өмнө эх орондоо нээсэн бизнесмэн хатагтайг Н.Лхамсүрэн гэдэг. “Loriblu” компани нь дэлхийн улс орнуудад нээгдэж буй салбар дэлгүүрүүддээ тогтсон стандарт, нарийн чанд шаардлагыг тавьдаг бөгөөд үүнийг давж салбар дэлгүүрийн эрхийг авна гэдэг нь нэр төрийн хэрэг гэгддэг. Харин энэ бүх шалгуурыг бүрэн давж, охид бүсгүйчүүдээ “Loriblu” брэндийн дэгжин, хээнцэр, тансаг гутлаар гоёх боломжийг олгож чадсан Н.Лхамсүрэн хатагтай үеийнхэн дундаа ихэд толиотой бас мэдрэмжтэй хувцаслалтаараа олны дундаас оцнгойрч чаддаг эмэгтэй. Гутал сайт гурвын урд гэдэг шиг “Loriblu” брэнд нь Италид үйлдвэрлэдэг, гар урлалчдын нарийн чимхлүүр ажиллагаа, нарийн ур чадвар ордог гэдгээрээ онцгойрдог дээд зэрэглэлийн брэнд билээ. Мөн үнэт чулуу, уулын болор чулуу орсон сваровски элементтэй загварууд нь олны таашаалд ихэд нийцдэг гэсэн шүү.

PAPARATSI.MN