“Ханбүргэдэй” Их дэлгүүрийн хачин даруухан хатагтай

УИХ-ын гишүүн Г.Тэмүүлэн уригдсан бүхий л арга хэмжээ, хүлээн авалтанд гэргийгээрээ гоёж яваа харагддаг. Г.Тэмүүлэнгийн гэргийтэй бид эчнээ танил. Хоёр ихэр төрүүлсэн гэгддэг Энхзул бүсгүй манай брэнд хувцасны анхдагч дэлгүүрүүдийн нэг "Ханбүргэдэй” худалдааны төвийн боссын охин. Тэрээр хэвлэлийнхнээс ихэд жийрхдэг нь нүдэнд содон тусах юм билээ. Г.Тэмүүлэнгийн хувьд МАН-ын хүлээн зөвшөөрөгдсөн залуу лидерүүдийн тэргүүн эгнээнд бичигдэхээр карьертай залуу. Харин амжилттай яваа эр хүний ард түүнийг бүхий л талаар тусалж, дэмждэг гэргий байдаг гэдэг. Энхзул бүсгүй гэр бүлийн бизнесээ өргөжүүлэхийн сацуу хань нөхөртөө ч халамжтай, гэрийн сайн эзэгтэй гэх юм билээ.