Сайд асан Ж.Бат-Эрдэнэ, Т.Цогтгэрэл нарыг шалгаж эхэлжээ

Энэ сарын 9-ний орой Зам тээврийн хөгжлийн яамны газрын дарга нар албан өрөөндөө архидан согтуурч, нэгнийхээ аминд хүрсэн хэрэг гарсан. Тус яамны Хяналт шинжилгээ үнэлгээ дотоод аудитын газрын дарга Г-г тус яамны Төрийн захиргаа удирдлагын газрын дарга М амь насыг нь хөнөөсөн болох нь мөрдөн байцаалтын явцад тогтоогдоод байгаа юм. Одоогоор сэжигтэн М-ыг ШШГЕГ-ын харьяа Цагдан хорих 461 дүгээр ангид саатуулж,  хэргийг Сүхбаатар дүүргийн Цагдаагийн I хэлтэст шалгаж байна.

Сэжигтэн М-аас гадна Зам тээврийн хөгжлийн яамны хоёр жолооч, төрийн тусгай хамгаалалтын газрын алба хаагч, тухайн үед буюу хэрэг гарахад хамт байсан албан хаагчдыг давхар шалгаж байгаа юм. Мөн дээрх хэрэгт Зам тээврийн хөгжлийн сайд асан Ж.Бат-Эрдэнэ, дэд сайд асан Т.Цогтгэрэл, Төрийн нарийн бичгийн дарга асан Ж.Бат-Эрдэнэ нарыг шалгаж эхэлсэн талаар эх сурвалж мэдээлжээ. Гэвч албаныхан энэ тухай "Хэргийг шалгаж байна. Тиймээс тодорхой мэдээлэл өгөх боломжгүй" гэхэмээн нууцалж байна.