Догоо зааны нууцлаг бэр

Үр хүүхдийнхээ буяныг үзэж яваа хүмүүс гэвэл Долгорсүрэн заан, Пүрэвбадам гуай хоёр байх. Дөрвөн хүү, нэг охин төрүүлсэн Догоо заан, Пүрэвбадам гуайн хөвгүүд Монголыг төдийгүй дэлхийд гайхуулсан хүчтэн болсон. Тэр хэрээр орох орлого нь нэмэгдэж, Монголдоо ганцхан циркийг менежментийн хувьчлалаар авч, “Менатип” банкийг мөн өөрийн болгож, Үндэсний хөрөнгө оруулалтын банк нэртэй болгосон билээ. Харин Улсын начин Д.Сэржбүдээ Хэл иргэншлийн дээд сургуульд цуг сурч байсан Өлзийдэлгэр гэдэг бүсгүйтэй гэрлэсэн. Аав ээж нь Дундговийн айл гэдэг. 10 гаруй жил ханилсан тэд элдэв дуулианд нэр холбогддоггүй эвтэй хосууд. Тиймээс Сэржбүдээ, болон түүний гэргийд хүмүүс зартай хоёр аварга хүүгээс нь ч илүү сайн ханддаг гэлцэх юм билээ.