Банш Батаа утсаар яриад сөхөөгүй...

Тоглосон дүрээрээ олон түмнээс Банш гэх овог хочийг авах болсон жүжигчин Батааг сайн жүжигчин гэдэгтэй хэн ч маргахгүй биз. Х Түц продакшнд байхын л бандгар бус туранхай бор залуу үзэгчдийг ихэд хөгжөөдөг байсан бол одоо ч бандгар Батаа болж инээдмийн голдуу дүр бүтээж үзэгчдийг хөгжөөсөөр буй. Ер нь түүнийг трэнд хүн гэж хэлж болхоор юм. Түүний эхнэр, хүүхэд үнэхээр өхөөрдөм. Заяаны хосууд биш гээд хэлэх вий гэсэн шиг эхнэр нь түүнтэй үнэхээр төстэй. Олон газраас реклам санал ирдэг бөгөөд түүнийг нэгэн хэсэг “реклам мангас” хэмээж байсан удаатай. Саяхны нэг өдөр манай дуранд өртөхдөө утсаар яриад сөхөөгүй явна лээ. Олны хөлөөс зайдуу гарч байгаад ярихыг бодход чухал ажил бололтой. Магадгүй реклам санал байж ч мэдэх юм.