Хүй долоон худаг”-т цагдаа, дотоодын цэргийн 1151 алба хаагч аюулгүй байдлыг хангаж байна

улгар төрийн 2227, Их Монгол Улсын 812, Ардын хувьсгалын 97 жилийн ойн их баяр наадам Хүй долоон худагт хурдан морьдын уралдаанаар үргэлжилж байна.

Өчигдөр /2018.07.10/ хурдан хязаалан насны 236 морь, шүдлэн насанд 201 хурдан буян хурдалсан бол өнөөдөр 153 азарга хөрст дэлхийгээ алтан туурайгаараа тамгалж, хөх тэнгэртээ тоосоо өргөөд  байна.

Энэхүү сайхан баяр цэнгэлийг хүртэх боломжийг олгож цагдаа, дотоодын цэргийн байгууллагын 1151 алба хаагч уралдааны аюулгүй байдлыг хангаж, наадамчин олныг гэмт хэрэг, зөрчлөөс урьдчилан сэргийлэх үүргийг гүйцэтгэн ажиллаж байна.

Та бүхэн цагдаагийн алба хаагчийн хууль ёсны шаардлагыг биелүүлэн, сайхан наадаарай.