Жүжигчин О.Цэнгэл байнга хэлхэлдэхээ багасгая гэв

Дуучин Э.Мишээл, жүжигчин О.Цэнгэл нар үерхээд гурван жил болж байгаа билээ. Тэд өөрсдийн үеийн залуу хосуудад зориулсан блог хөтөлж, харилцааныхаа туршлагаас хуваалцдаг. Тэд энэ удаа хосуудын итгэлцлийн талаар "Байнга хэлхэлдэхээ багасгацгаая. Хартай эхнэр, итгэдэггүй нөхөр шиг харагддаг гэнэ. Хүмүүс ч муу хэлнэ. Хааяа ганц ганцаараа гарч орж бай. Хамгийн чухал нь гэртээ хоно. Хязгаараа мэд. Ханийн чинь өвөр хамгийн дулаан, хамгийн нандин эрчүүд ээ. Нэг гарч байхад нь нэхэл дагал болж араас нь залгахаа боль бүсгүй минь. Үнэхээр нөхөртөө итгэдэг бол итгэсэн шиг итгэж тайван орхи. Эрчүүд эхнэрийг чинь өдөж хоргоовол хардаж сэрдэхээсээ илүү "Халуухан амьтан шүү миний гэргий" гэж бахарх л даа. Хүүхнүүд нөхөр рүү чинь сээтэгнэвэл хялалзаж цэхэлзэлгүй ихэмсэг инээмсэглэ. Хүлээлгэсэн итгэлийг хүн шиг даана шүү аль аль нь" хэмээжээ.