Paparatsi.mn сайт шинэчлэгдэж, хэн бүхэнд нээлттэй боллоо

Монголын чөлөөт мэдээ, мэдээллийн портал paparatsi.mn сайт  бүрэн шинэчлэгдэж, шинэ өнгө төрхтэйгээр уншигч та бүхний өмнө нээлттэй боллоо. Тус сайт нь олон улсад хүчээ аван, хэвлэл мэдээллийн нэгэн төрөлжсөн салбар болон хөгжиж буй “папарацци” төрлийг Монголдоо хөгжүүлж, тогтворжуулах зорилгоор 2012 оноос хойш тасралтгүй үйл ажиллагаа явуулж буй шилдэг хандалт бүхий сайт юм.

Сайтаа олон түмэнд нээлтээ байлгах үүднээс уншигчиддаа street paparatsi, photo gallery цонхнуудаа нээлттэй болголоо. Тус цонхны дээр байрлах нэвтрэх хэсгээр хүссэн хэн бүхэн зурагаа тайлбартайгаар илгээснээр мэдээ үүсгэх боломжтой болж байна. Ингэснээр уншигч та манай сайтын мэдээлэгч болох юм. Агуулгын хувьд street paparatsi цонхонд шүүмжлэлтэй, сайшаалтай бүхийл төрлийн зургууд болоод найз нөхөд, гэр бүл, та өөрийнхөө хүссэн зураг харин фото ангилалд  байгалийн үзэсгэлэнт газрууд,  хотын өнгө төрх зэрэг өгүүлэмжтэй гэрэл зургууд орох болно гэдгийг анхаарна уу.

Манай сайт нь хараат бус өөрийн редакцидаа хариуцлагатай мэдээ, мэдээллүүдийг бэлтгэн хүргэхээс гадна нийгэмд үлгэр дууриалал үзүүлж буй олны танил эрхэмүүд болон төр түшиж буй түшээдийн үг хийгээд үйлдлийн толь нь болж та бүхэнд хүрсээр байх болно.

Үргэлж хамт байдаг уншигчиддаа баярлалаа.