Жүжигчин Тэмка Төөгөөг элэглэжээ

“Яг түүн шиг-3” шоуны хүчтэй өрсөлдөгч Тэмка өнгөрсөн дугааруудад амжилттай оролцож яг түүн шиг байж чадаж байгаа билээ. Түүний Харангын хар азарга Лхагвасүрэн, Киви-ийн Ука нарыг сонгон тэдэн шиг хувирч дуулсан дугааруудад түрүүлэх байсныг шүүгчид буруу шийдвэр гаргасан хэмээн шүүмжлэлтэй хандсан үзэгчид цөөнгүй байсан юм.  Ийн дэлгэцийн алдартай шоунд өөрийгөө жүжиглэхээс гадна сайн дуулдаг, дуулахдаа ямар ч хоолойгоор дуулж чаддаг болохоо харуулж буй Тэмка бүжиг, хөдөлгөөний зөвлөхөөр ажиллаж буй Төөгөөг элэглээд амжжээ. Тэрээр хамт зураг татуулахдаа түүний нийтлэг нэгэн позыг дууриаж, дүр төрх, нүүрний хувирлыг гаргасан нь их төстэй гарсан аж.