Ангарагаас ирэгсэд “зад” шоуджээ

  “U film” уран бүтээлийн нэгдлийн анхны бие даасан тайзны бүтээл “Ангарагаас ирсэн эмэгтэй” модерн драм тавдугаар сарын 4-нд үзэгчдийн хүсэн хүлээсэн тоглолтоо тавьсан билээ. Жүжгийг дан эмэгтэй уран бүтээлчид бүтээснээрээ онцлог. Зохиолч Р.Эмүжин, найруулагч Ц.Баясгалан, хөгжмийн зохиолч Б.Ангирмаа, дизайнер Ариунаа Сүри, жүжигчин Г.Ундармаа болон шинэ залуу үеийг төлөөлсөн, жүжигчин С.Идэрмаа нарын таван бүсгүй өргөө гэрт үзэгчдийг урьж, урьд байгаагүй шинэ орчинд драм амилуулаад байсан билээ. Тэгвэл тэд жүжгээ амжилттай болсноо тэмдэглэн нэг өдрийг хамтдаа өнгөрөөсөн батиараа өөрсдийн цахим хуудаснаа байршуулжээ. Сонирхуулахад тэдний баяр дээр дуучин Бат-Оргил ирж ая дуугаа өргөсөн байна. Хүчирхэг, дайчин авьяастай мэдрэмжтэй бүсгүйчүүддээ уран бүтээлийн өндөр амжилт хүсье.

PAPARATSI.MN