КИРА НАЙТЛИ ӨӨР НЭГЭНТЭЙ ЯАГААД ҮНСЭЛЦЭВ?

     Холливудын нэрт жүжигчин Кира Найтли ганцхан сарын өмнө сүй тавьсан ч огт танихгүй, өөрөөсөө “хөгшин” нэгэнтэй гудамжинд жишим ч үгүй үнсэлцэн зогсоно. Үүнийг нь харсан жирийн иргэд түүнийг саяхан сүй тавьсан атлаа өөрийн ирээдүйн нөхөр Жэймс Райфтоноосоо хэдийнэ уйдчихаж гэж ярьцгааж байсан юм. За уучлаарай, энэ бол тоглоом байлаа. Жүжигчин бүсгүй маань “Дуу чиний амьдралыг өөрчлөх үү?” нэртэй цоо шинэ киноны зураг авалтанд Нью-Йорк хотноо оролцож байгаа нь энэ.

     Кинонд хамтран тоглолгч Марк Руффалотой халуун дотно үнсэлцэж тоглож байгаа Кира Найтли түүнээс жийрхэн, өөрөөсөө бага зэрэг холдуулсан харагдаж байгаа биз? Сүйт залуу нь биш болохоор арга ч үгүй биз. Тэрээр уг кинонд хайр дурлалын хөлөг онгоцонд суусан охины дүрд тоглож байгаа юм.

     Кирагийн анхны хайрын эзэнд алдарт “Maroon 5” хамтлагийн дуучин Адам Левайн тоглож байгаа бөгөөд тэд хоёул хөгжмийн сонирхолтойн дээр Нью-Йорк хотноо хөгжмийн карьер эхлүүлэхээр хосууд хамтдаа ирсэн ч Кира Найтлигийн анхны хайр нь ганцаар нэрд гарахыг хүсэн бүсгүйг орхин явна. Харин түүний дараа хайртдаа хаягдсан бүсгүй нэрт продюссерийн буюу энэхүү үнсэлцээд байгаа залуугийн хараанд өртсөнөөр амжилтын оргилд хүрнэ.