Н.Номтойбаяр: Чинзориг оо, наашаа хар л даа чи...

"МАК"-ын Б.Нямтайширын хүү Н.Номтойбаяр УИХ-д хоёр дахь удаагаа сонгогдон, төрийн сайд хүртэл хийж явсан бас ч гэж улстөрд "ултай" намтартай нэгэн. Гэвч мань хүн нөгөө амны салиа нь арилаагүй гэдэг шиг улстөрч хүний ёс зүй, хувь хүний ёс суртахуун, буурь суурь суугаагүй л яваа бололтой. Хэзээнээсээ л түүнийг хэрцгий ааш авиртай, хүнд гаруудаар хүн амьтан дарамтлуулдаг хэмээн ярьдаг юм байна лээ. Үнэхээр ч бас тиймэрхүү зан түүнд байдаг шинжтэй шүү. Өчигдөр л гэхэд Байнгын хорооны хуралдааны үеэр өөрөөсөө арван насаар ах, Хөдөлмөр, нийгмийн хамгааллын сайд С.Чинзоригийг "Ийм хулгайг чинь тэвчээд чамайг энд сайд хийлгээд байхгүй шүү Чинзоригоо, нүд чинь яагаад эргэлдээд байгаа юм. Наашаа хар л даа чи..." хэмээн даналзан  ийн бүдүүлэг авирлаад авав.