А.Хишигдалай яагаад нүцгэлэв...

А.Хишигдалай гэх адтай бүсгүй урлагийн тайзнаа хоолойныхоо чадварыг мэдрүүлж нэлээдгүй фэнүүдтэй болсон. Олонд танигдаж алдарших тусмаа өөрийн биенд анхаарал хандуулах нь бичигдээгүй хууль. Түүний дагуу Хишигдалай ч өөрийн бие галбираа өөрчилж сайхан гэх тодотголыг авч чадсан. Тэрхүү хөдөлмөрийнхөө ачаар дотуур хувцасны “Гоо” брэндийн нүүр царай болж улмаар рекламны зураг авхуулсан нь “Нүцгэн” гэх сенсаацийг шуурга мэт дэгдүүлсэн. Тэгвэл дуучин бүсгүй маань энэ тухайгаа саяхан ам нээжээ. Тэрээр хэлэхдээ би захиалагч талаа хүндэлж тэдний хүсэл сонирхолд нийцүүлж тэдний зааварчилгааны дагуу зургаа авхуулсан. Гэрээтэй ажиллаж байж “муухай байна, наадахаа соль” гэх үндэслэл байхгүй шүү дээ хэмээсэн нь сошиалаар тархасан байна.