Ука төсөөллөөс дээгүүр...

      Үзэгчдийг байлдан дагуулж буй The Voice of Mongolia шоуны шүүгчидийг үзэгчид дор бүрнээ шүүсээр ирсэн. Тэр дундаа дуучин Укад нэлээдгүй хүн таагүй бодолтой байсан бөгөөд зарим нэг нь мэдрэмжгүй, өөрийн бодолгүй, бусдыгаа даган дуурайж далдаганадаг гэсэн хандлагатай байсаар ирсэн. Тэгвэл тус шоуны хоёрдугаар шатанд Ука өөрийнхөө сонгосон сонголтоо баталж тэднийхээ онцлог имижийг ил гаргаж бут авлаа. Өөрөө ч илэн далангүй, чөлөөтэй нэгэн тэрээр оролцогчидоо сайн продюсорлож өөрөөр хэлбэл нуугдсан авьяасыг нь ил гаргаж чадсан нь түүний оролцогчдын үзүүлбэр бүрээс ил харагдаж байлаа. Ийнхүү Ука төсөөллөөс дээгүүр байж, өөрийгөө хэн болохоо харуулж чадав.