С.САрантуяа ихэд бухимдав

Урлагийн гайхалтай гэр бүлийн нэг бол жүжигчин, найруулагч О.Бат-Өлзийн гэр бүл. Түүний гэргийг драмын театрын хатан ээж гэж олон түмэн хайрлаж хүндэлдэг билээ. Тэгвэл хатан ээж саяхан ихэд уурсжээ. Тэрээр "Бидний хийсэн киног 14000 хүн 3 хоногийн дотор үзжээ. Олон хүн үзсэн нь нэг талдаа сайн л даа. Гэхдээ бид энэ киног бүтээх гэж хамаг цаг нар, хөлс хүчээ 3 сар гаран зориулж байгаад киног дэлгэцэд гаргадаг юм. Гэтэл хэн ч хамаагүй бусдын ОЮУНЫ ӨМЧИЙГ хаа хамаагүй дураараа цацаж байна. Монголд кино урлагийг дэмждэг төр ч алга, хамгаалдаг улс ч алга. Зөвхөн ганц кино бус ард иргэд ажлаа чадлаараа хийж зүтгэж хуулийн дагуу татвараа төлөөд л амьдарч байгаа ч хаана ч хууль алга тэр дундаа ард түмэнд шүү" хэмээжээ. Ойрын саруудад кино театрт тавигдаж дуусаад төлбөртэй сувгуудаар явуулж байгаа киног нь цахим ертөнцөөр тараагаад байгаад жүжигчин тунчиг ууртай байгаа. Өдөрт л нэг оюуны өмч ярьсан уран бүтээлч гарч ирж байгаа ба энэ удаагийнх жүжигчин С.Сарантуяа байлаа.