ТОМ КРУЗ ОХИНДОО МӨН Ч ИХ ХАЙРТАЙ

        Кэйт Холмс, Том Круз хоёр салаад удаагүй байгаа. Тэдний салсныг дуулаад харамсах хүн мундахгүй олон байлаа. Гэвч Холливудынхан гэж салж нийлж ханадаггүй хүмүүс. Хоёр жүжигчин салах үед Кэйт охиноо өөр дээрээ авч үлдсэн. Тэгвэл хосууд салснаас хойш анх удаа Том Круз өөрийн охин Сүритэйгээ уулзахдаа папарациудын дуранд өртжээ. 

      Том Круз “Биелэгдэшгүй даалгавар” кинонд чадварлаг тоглодог, Холливудын “мундаг” жүжигчин төдийгүй үнэхээр хайраар гэрэлтсэн сайн аав юм. Долоо хоногийн өмнө эхнэрээсээ салсан тэрээр салалтынхаа дараа анх удаа охинтойгоо уулзаж байгаа нь энэ. Том өөрийн сүүлд тоглосон “Oblivion” киноны зураг авалтаа Лос-Анжелес хотноо дуусгаад Нью-Йорк хотноо охинтойгоо уулзахаар иржээ.

Тэрээр охиндоо амьтны дэлгүүр орж, бяцхан гөлөг авч өгсөн байна.