С.Төгс: Яагаад 13$-ийн даашинзыг 279 мянгаар зараад байгаа юм бэ?

Гоё сайханд нүдээ өгч, дурладаг хүмүүс бол бүсгүйчүүд. Тэдний энэхүү хүсэл шуналыг ашиглан ашиг ологчид олон бий. Брэндэд зүүгдэн хэн нэгнээс илүү гарч хэрэглээгээрээ илүүрхэх гэсэн хүмүүсийн хүсэл дээр тулгуурлан энгийн нэг барааг тэнгэрт тулсан үнээр хэд дахин нугалж зарагсад олон болжээ. Хотын төвийн түрээс өндөртэй дэлгүүрүүдэд энэ үзэгдэл түлхүү үзэгддэг. Юу өмсөж байгаадаа бус хаанаас хэдээр авсан нь чухал мэт болсон гэхэд хилсдэхгүй өнөө үед булан эргээд л ижил төрлийн барааг хямд үнээр худалдаж авах боломж хэн бүхэнд нээлттэй бий. Гэвч үүнийг үл ойшоон өндөр үнээр худалдан авалт хийгсэд цөөнгүй бий. Модель Төгс энэ тухай “Яагаад 13$-ийн дрэссийг 279 мянгаар зараад байгаа юм бэ?” хэмээн бухимдсан байх бөгөөд тус дэлгүүрийн хаяг байршлыг ч мөн дурдаад авчээ.