УИХ-ын гишүүдийн сонгогчдодоо барьсан сюрприз

Намрын чуулганаа завсарлуулсан гишүүд  тойргоо зорьж, иргэдтэй уулзалт хийж явна.  Сар шинийн баярыг угтаж зарим гишүүд  сонгогчдодоо гурил,будаа тарааж, гарын бэлэг өгч яваа бол зарим нь   урлагийн тоглолт үзүүлж байна. Тухайлбал, Баянхонгор аймгаас сонгогдсон УИХ-ын гишүүн, ЗГХЭГ-ын дарга Г.Занданшатар, УИХ-ын гишүүн Л.Элдэв-Очир, М.Билэгт нар сонгогчдодоо ая дуу өргөжээ.  Баянхонгор аймгийн Малчдын зөвлөгөөний үеэр эрхэм гишүүд  дуучин  Л.Банзрагч, А.Мөнхбат,  Д.Бурмаа нартай хоршин “Миний ардын сэтгэл цагаан” дуугаар ая дууны мэндчилгээ дэвшүүлсэн байна.

Ийнхүү УИХ-ын гишүүд тойрог тойрогтоо өөр өөрсдийн бэл бэнчин, авъяас чадвараа харуулж  явна. Гайхамшиг үргэлжилсээр...

Н.Нягт