С.ОЮУН ГИШҮҮН ОХИНТОЙГОО

Монгол эмэгтэйчүүдийн үлгэр дууриал болсон энэ эмэгтэйгээр бахархах хүмүүс цөөнгүй. Ахынхаа үйл хэргийг үргэлжлүүлж, Монголд анх удаа гуравдагч хүчин эвслийг байгуулан, дайчин гарамгайгаар улс төрд дуу хоолойгоо хүргэн яваа ИЗНН-ын дарга, УИХ-ын гишүүн С.Оюун СТӨ-нд охинтойгоо үзвэр үзэж яваад бидний папараци дуранд өртлөө. 

  Эрдэм номын мөр хөөж, Кэмбрижийн Их Сургуульд доктор хамгаалсан тэрээр нэлээд хожуу гэрлэн 38 настайдаа анхны үрийн зулайгаа үнэрлэж, сүүлд 45 насандаа гурав дах хүүхдээ төрүүлсэн. Уулын спортоор хичээллэж, каратэгийн хар бүстэй гэхээр эмэгтэй хүнд тэр бүр байдаггүй тэсвэр тэвчээр түүнд заяажээ. 

  “Сэрэлт” киноны Орос докторт тоглосон ээжтэйгээ нас ахихын хирээр адилхан болж байгаа С.Оюун гишүүн ах Баярынхаа найзтай суусан гэдэг шүү.