Дуучин Баясгалан: Би дуулахад бэлэн

Жавхлантай хамт нийтийн дуунд цахиур хагалан орж ирсэн нэгэн бол Баясгалан. Түүний хувьд Д.Батбаяртай дэр нэгтгэж айлын эзэгтэй болсноор урлагаасаа холдоод байсан. Хүн бүр түүнийг дуулахаа байж гэрийн эзэгтэйн албан тушаалдаа үнэнч байхаар шийдсэн хэмээх хүмүүсийн ярианд Баясгалан ийн хариулав. Тэрээр “Гэр бүл, үр хүүхэдтэй болох нь хүний л амьдрал. Энэ амьдралаас авах таашаалыг би ч эдлэх ёстой биз дээ. Нэг л гоё даашинз өмссөн хүн дуулаад л яваад байж боломгүй. Би одоо өнгөцхөн дуу дуулмааргүй байна. Гүн гүнзгий агуулгатай, үнэн үгтэй бүтээл ирвэл дуулахад бэлэн, дуулж ч байгаа” хэмээжээ.