Какүрюү М.Ананд хацү башёг тэргүүлж байна

Токио хотноо болж буй Японы мэргэжлийн сүмо бөхийн нэгдүгээр сарын тэмцээн буюу Хацү башёгийн 7 дахь өдрийн барилдаанд 71 дэх их аварга Какүрюү М.Ананд, Точиношинг давснаар нэг ч өвдөг шороодолгүйгээр тэмцээнийг хошуучилж байна. Түүнтэй хамт сэкивакэ Митакүэми долоон даваатай башёг тэргүүлж яваа юм.  Их аварга Хакүхо М.Даваажаргал, Кисэносато болон озэки цол хүртэж явсан Тэрүнофүжи Г.Ган-Эрдэнэ нарын хүчтэнүүд бэртлийн улмаас Хацү башёгийн дундаас орхиж гараад байгаа билээ.