Амгаланбаатар, Бямбаа нар хайр сэтгэлээ илчиллээ

""Зэрлэг цэцэгсийн хүлэмж" киноны "Яргуйн" дүрээрээ гэрлийн хурдаар олонд танигдсан М.Бямбаа өдгөө мэргэжлийнхээ дагуу ажиллаж байгаа. Угтаа бол бүжигчин мэргэжилтэй бүсгүй одоо бүжгийн тэмцээний шүүгч хийж буй. Өөрөөсөө үе мултарсан бүжиг дэглээч Төгсөөтэй хамтын амьдрал зохиож байсан. Гэсэн ч нэг л өдөр тэд харилцаагаа бүр мөсөн тасалж залуу бүсгүй модель Амгаланбаатартай романслаж эхэлсэн. Энэ талаар хэвлэл мэдээллийнхэн аль хэдийнээ мэдэж шуугилдан байхад манай хоёрын хэн нь ч юу ч хэлээгүй. Тэгвэл бүжигчин Бямбаа хайр сэтгэлийнхээ талаар ам нээлээ. Энэ талаар бүжигчин бүсгүй хэлэхдээ "Ер нь бол үерхээд 2 жил болж байна, дунд нь салж нийлсэн юм байгаа. Би өмнө амьдрал зохиож үзсэн учраас одоохондоо бие биенийгээ ажиглах түвшинд явж байна" хэмээжээ.