Corprate хүний хөлд дарагдаж байгаагийн шалтгаан

Монголын кино урлаг хурдацтайгаар хөгжиж байгаа нь нүдэн дээр л харагдаж байна. Бүх л төрөл жанрт хүч үзэж сардаа гэхэд л 2-3 кино нээлтээ хийж байна. Тэгвэл өнгөрөгч онд олон түмний хүлээлтийг үүсгээд байсан нэг уран бүтээл бол Солиот эх УСК байлаа. Уг бүтээл нь  Х-Түц продакшны 2017 оны хамгийн том бүрэн хэмжээний  дэлгэцийн уран бүтээл байсан юм. Тэсгэл алдарсан үзэгчдийнхээ сэтгэлийг нь тайвшруулсан уу гэлтэй тэд 12-р сарын 29-ний өдрөөс киногоо театруудаар цацсан ч яг үндсэн нээлтээ өнгөрөгч Баасан гарагт Corprate Convention Centre-ийн үзвэрийн их танхимд хийлээ. Кино театруудаар гарсан даруйдаа л ашиг орлогоо хийж, очсон хүн бүрт эхийн сэтгэл гэх агуу зүйлийг ойлгуулж нус нулимстай нь хутгасан гэгдээд байсан уг киноны нээлтийн үеэр ч олны хөл тасрахгүй бараг л танхимдаа багтахааргүй үзэгчид байна лээ дээ.