Мисс бүсгүй Ц.Оюунгэрэлтэй нэгдлээ

Дэлхийн гоо сайхны тэмцээнд эх орноо төлөөлж нэлээдгүй олон шагналыг өөрийн болгон эх орондоо ирсэн тэрээр загварын тайзаа түр азнан өдгөө үндсэн ажилдаа орж эхэллээ. Учир нь тэрбээр хөрсний бохирдлын гол эх үүсвэр модон жорлонг устгах талаар жил гаруйн өмнөөс судалгаа хийж, архитекторч мэргэжлийнхээ давуу талыг ашиглан шийдэх гарц гаргалгааны талаар төсөл боловсруулсан байдаг. Үүнийхээ хүрээнд мисс бүсгүй Ц.Оюунгэрэлийг сонгон авч хамтдаа модон жорлонгийн эсрэг тэмцэж эхэлжээ. Тэдний баг аль хэдийнээ ажилдаа орсон талаар цахим хуудсаараа дамжуулан мэдэгдээд амжсан байна.