БАТ-ЭРДЭНЭ АВАРГА СЭТГЭЛ ДҮҮРЭН ЯВНА

Бат-Эрдэнэ аварга ч мөн энэ жилийн Үндэсний Их Баяр Наадмаар өөрийн эхнэртэйгээ хамт явж байгаад бидний папараци дуранд анх удаа өртлөө. Үндэсний дээлээрээ гоёсон тэрээр энэ жил зодоглоогүй юм. Учир нь УИХ-ын гишүүнээр гурав дах удаагаа улиран сонгогдож, улс төрчийн намба заах болсон болохоор барилдсангүй. 

     Түүний тухайн нэгэн онигоо ч юм уу, явган шог ч гэмээр юм уу нэгэн яриа байдаг. Дархан аварга УИХ-д сонгогдсоны дараахан түүний дотны найз асуужээ. “УИХ-д суух ямар байна?” гэтэл тэрээр “Эцэг эхийн хурлаас арай л өөр юм” хэмээн хариулсан гэж. Энэ ч мэдээж худлаа байлгүй. 

    Өөрийн уугуул нутаг болох Хэнтий аймгаасаа энэ жил УИХ-д дахин сонгогдсон тэрээр хэвлэл мэдээллийнхэнд ярилцлага өгч байгаа нь цаанаа л сэтгэл хангалуун байгаа нь мэдрэгдэж байлаа. Бас аваргын яриа хөөрөө цаанаа л нэг өөр болсон байна билээ. Одоо ч аваргад хийх бүтээх, бүтээн байгуулах эрч хүч дүүрэн байгаа байлгүй дээ. Харж л сууя.