Хөдөлмөрийн баатар, Төрийн шагналт Б.Лхагвасүрэн гуайн эмчилгээнд элэг нэгт Өвөрмонголчууд хандив өргөжээ

Хөдөлмөрийн баатар, Төрийн шагналт СГЗ Б.Лхагвасүрэн гуайн эмчилгээнд элэг нэгт Өвөр Монголчууд мөнгө хандивлахаар нэгджээ. Өвөрмонголчууд Бавуугийн Лхагвасүрэн гуайн эмчилгээний зардалд 55 сая орчим төгрөгний хандив цуглуулан өгчээ.  Хөдөлмөрийн баатар, Төрийн шагналт, Ардын уран зохиолч, Соёлын гавъяат зүтгэлтэн Бавуугийн Лхагвасүрэн гуайн бие чилээрхсэн тухай мэдээлэл ӨМӨЗО-д гарсан даруй сайхан сэтгэлт хэсэг хүмүүс хандивын аян зохион байгуулжээ.

Б.Лхагвасүрэн гуайн эмчилгээнд Монгол улсын Засгийн газраас 25 сая төгрөг хандивлахаар болсон билээ. Нөөц сангаас 10 сая төгрөг. БСШУСЯ-наас 10 сая, ЭМЯ-наас 5 сая төгрөг эмчилгээнд нь зориулж гаргахаар шийдсэн юм.