МЕЛ С НАЙЗ ЗАЛУУГААСАА САЛСАН Ч ЦОГЛОГ ХЭВЭЭРЭЭ

Ойрдоо алдарт Spice Girls хамтлагийн охидын мэдээ “чих дэлдийлгэсээр” байна. Тухайн үедээ “Спорти Спайс” нэртэй, хамтлагийнхаа хамгийн чадалтай хоолойтой гэгдэж байсан Мелани С өөрийн найз залуугаасаа салснаас хойш анх удаа олон нийтийн өмнө нүүр бардам гарлаа. Тэрээр 10 жилийн турш хамтран амьдарсан Томас Старраасаа энэ сарын эхээр салсан бөгөөд хосууд гурван настай Скарлетт хэмээх охинтой билээ. 

    Одоо Мел С “Superstar” тэмцээний шүүгчээр энэ зуны турш ажиллахаар болсон байна. Таны харж байгаа эдгээр зургуудыг хамтран шүүгч, нэрт дуучин, жүжигчин Жейсон Донавантай хамт авахуулжээ. Нуруу, гуя нь гарсан, торон хар даашинзтай дуучин бүсгүй тун аз жаргалтай, тайван, дөлгөөн харагдаж байгаа биз? Найз залуугаасаа саллаа гээд заавал гутарч гуних ёстой биш шүү дээ.