“MOON DANCE”-ИЙНХАН БҮЖГИЙН СПОРТЫН ДАШТ-Д ФИНАЛД ШАЛГАРЛАА

Бүжгийн спортын манлай “Moon Dance” хамтлаг энэ сарын 08, 09-ний өдрүүдэд Австри улсын Вена хотод зохион байгуулагдсан латин бүжгийн ДАШТ-д формейшн төрөлд амжилттай оролцож, финалд шалгарлаа.

Шилдэг зургаан багт 1.Герман 2.Орос 3.Монгол 4.Австри 5.Орос 6.Герман гэсэн багууд үлдсэн байна.

 “Moon dance” хамтлаг нь бүжгийн спортын энэ төрлөөр ДАШТ-нүүдэд 2014 оноос хойш тасралтгүй оролцож байгаа аж. 2014 онд Германд болсон Латин бүжгийн ДАШТ-нд 9-р байр, 2015 онд Австрид болсон Латин бүжгийн ДАШТ-нд 7-р байрт тус тус шалгарч, амжилтаа ахиулсаар 2016 онд Германд болсон Латин бүжгийн ДАШТ-нд Дэлхийн шилдэг 6 хамтлагийн 1-ээр финалд шалгарч, улмаар 5-р байрт орж байсан юм. Ийнхүү Монгол Улсаас анх удаа, мөн Азиас анх удаа формейшн төрөлд финалд шалгарсан бүжгийн хамтлаг болж, чансаагаараа эхний гуравт эрэмбэлэгдэх болжээ.