Дуучин Ганболорын нөхөр

Хамтлагийнх нь бүсгүйчүүд хэдийнэ нөхөрт гарч, ээж болчихоод байхад Э.Ганболор л ганц бие гунхаж яваагаа гайхуулсаар өдийг хүрсэн нь нууц биш. Америкаас ирснийхээ дараахан тус хамтлагийн ахлагч Ц.Сарнай ээж болсон төдийгүй өдгөө хоёр дахь хүүхдээ өлгийдөж аваад байгаа. Харин хамгийн үзэсгэлэнтэй нь гэгддэг Г.Сүндэрмаа нь айлын гэр бүл үймүүлсэн гэх таагүй асуудалд орооцолдсон ч, өнөөдөр өөрийн гэсэн гэр бүлтэй болоод амар амгалан амьдарч суугаа.

Дуучин Э.Ганболорын хувьд, уран бүтээлийнхээ хажуугаар “VTV” телевизийн захирлаар ажиллаж байгаа бөгөөд олны танил хэд хэдэн эрчүүдтэй хэвлэлээр нэр холбогдсон ч нөхөрт гарснаа дуулгаагүй. Тэр ч байтугай, өөрийг нь ихэвчлэн эхнэртэй эрчүүд эргүүлдэг болохыг хэвлэлд дэлгэж суусан дуучин бүсгүй маань сэтгэлдээ дурсаж явдаг залуу бий гэдгийг ч нуугаагүй.

Тэгвэл нууцхан хайрын эзнээ мартаж, албан ёсоор гэр бүлийн амьдрал зохиохыг хүссэн Э.Ганболор тун саяхан амраг залуугаа олонд танилцуулаад авчээ.