Гэгээн ертөнцийн багачууд авьяасын ундрага

Гэгээн ертөнц цэцэрлэг өнгөрсөн баасан гарагт урлагийн наадмаа зохион байгууллаа. Уг урлагийн бага наадамд бүх салбарын ахлах, бэлтгэл бүлгийн жаалууд оролцсон юм. Цэцэрлэгийн урлагийн үзлэг гэхээр л маамуу нааш ир дуулж, болжмор шүлэг уншдаг гэх бодол тээсээр би зорин очсон юм. Гэтэл намайг ороход тэс өөр зүйл угтсан юм. Бүгд нэгэн жигд хувцасласан хөөрхөн бяцхан үрс орчин үед хит болж буй бүжиг, дуу, шүлгээр ширүүхэн өрсөлдөж байлаа. Үүнийг нь харахад л эцэг эхийн оролцоо, багш нарын хичээл зүтгэл, хөөрхөн үрсийн авьяас билэг цогц бүрджээ. Ингээд тэдний урлагийн бага наадмын зургуудаас та бүхэнд хүргье.