“Гоёл” наадмын отгон топ моделиор Т.Халиунаа тодорлоо

1988 оноос хойш 30 дахь жилтэйгээ золгож буй "Гоёл-2018" наадам өнөөдөр ёслол төгөлдөр болж өндөрлөлөө. Энэхүү наадмаас хүн бүрийн тэсэн ядан хүлээдэг Топ модель хэмээх эрхэм шагналыг загвар өмсөгч Т.Халиунаа хүртлээ. Монголын анхны топ моделиор тодорч байсан загвар өмсөгч Э.Одгэрэл "Гоёл" наадмынхаа тайзнаа өнөөдөр гоёлын даашинзтай алхаж наадмыг хаасан бөгөөд тэрбээр мөн отгон топ модельдоо шагналыг нь гардууллаа.

Шинэхэн топ модель Т.Халиунаа:

"Би анх 2000 оноос 13-14 настайгаасаа загвар өмсөж эхэлсэн. Одоо 17 жилийн дараа би топ моделийн шагналыг хүртлээ. Энэ нь надад асар их хүч хөдөлмөр, тэвчээрээр ирсэн шагнал. Маш их баяртай байна. Би энэ жил "Гоёл" наадамдаа орохгүй дээ гэсэн бодолтой байсан. Гэхдээ 30 дахь жил нь болж байна. Миний хүндэлж явдаг хамгийн том тэмцээн учраас оръё гэж шийдээд ортол ингээд шагнал авчихлаа. Үнэхээр гайхалтай сайхан байна. Баяраас минь хуваалцсан та бүхэнд баярлалаа" гэлээ