Б.Хурцын асуудлаар томилгооны сонсгол хийх эсэхийг хэлэлцэнэ

Өнөөдөр байнгын хороодын хэлэлцэж буй асуудлаар ажлын хэсгүүд хуралдана. Тухайлбал, Хөрөнгө оруулалтын банкны тухай хуулийн төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан хуралдаж хэлэлцэнэ. 

Мөн УИХ-ын гишүүн Ж.Батзандан нарын 21 гишүүдээс гаргасан томилгооны сонсгол хийх тухай асуудлыг судлах үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан өнөөдөр 14 цагаас болох юм.  Түүнчлэн Стандартчилал, техникийн зохицуулалт, итгэмжлэлийн тухай хуулийн төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 16.00 цагаас “В” танхимд хуралдана.