Өнөөдөр 50 саяын азтан тодорно

НӨАТ-ын урамшууллын ээлжит сугалаа өнөөдөр болно. Тодруулбал, 2017 оны арваннэгдүгээр сарын сугалааны тохирол 19-ний Ням гарагт Боловсрол телевизээр орон даяар шууд явагдана.

Иймд, иргэн та 2017 оны 10-р сарын 1-нээс 10-р сарын 31-ний өдөр хүртэлх хугацаанд худалдан авалт хийсэн баримтаа 2017 оны 11 дүгээр сарын 18-ны өдрийн 23 цаг 59 минутаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой. Энэ удаагийн сугалааны супер шагнал нь 50 сая төгрөг аж.