Ц.Энхжин шилдэг 40 оролцогчийн нэг боллоо

Хятадын Санья хотноо "Дэлхийн мисс-2017” тэмцээний шалгаруулалт үргэлжилж байна.  Дэлхийн гоо бүсгүйчүүдийг тодруулдаг уг тэмцээнд эх орноо төлөөлөн оролцож буй Ц.Энхжин “Head to Head challenge”-д группээсээ шалгарч, шилдэг 40 оролцогч орны нэг болжээ.Энэ жилийн “Дэлхийн мисс-2017” тэмцээнд шинээр “Head to Head challenge” хэмээх үндсэн шалгуур нэмэгдсэн байна. Ингэснээр бvх оролцогчид 20 группт хуваагдан, түрүүлсэн оролцогч шууд шилдэг 40-д орох эрхтэй болох юм.

Тэрээр энэ тухайгаа өөрийн фээсбүүкдээ "Бид Head to Head challenge-д группээсээ шалгарч, шилдэг 40 оролцогч орны нэг боллоо. Дэмжиж саналаа өгсөн бүх хүмүүстээ маш их баярлалаа. Та бүхний хичээл зүтгэлийн ачаар Монгол улсынхаа нэрийг гаргах болсондоо туйлын их баяртай байна" гэжээ.