Мисс Б.Ханд: Төрсөн үрээ нуугаад хаа холдох вэ?

UBS телевизийн нүүр царай болж явсан мисс Ханд өдгөө манайд томоохонд тооцогдох компанид алба хашиж яваа. Түүнийг МҮОНТ-ийн нэвтрүүлэгч Б.Ичинхорлоогийн үеэл дүү гэлцдэг нь үнэн. Хэдий их ажилтай хэрнээ “Манжуурын мисс” тэмцээнд эх орноо төлөөлж оролцох хацар гоо охидыг сонгон шалгаруулж, олон талын мэдлэг туршлагаасаа хуваалцаж явдаг түүний талаар “Төрүүлсэн хүүхдээ олноос нууж, бусдад өргүүлсэн” гэх таагүй мэдээлэл цацагдаж эхэлсэн.

Тэгвэл мисс, нэвтрүүлэгч бүсгүй маань энэ бүхнийг үгүйсгэж анх удаа ам нээлээ.“Олон хүнээс байнга сонсох юм, одоо арай хэтэрлээ хүмүүсээ, найзуудаа!!! Төрсөн хүүхдээ нуудаг, эсвэл төрүүлээд төрсөн эгчдээ өргүүлсэн гэх мэт... Наад бузар яриагаа одоо болиоч ээ!!! Зурган дээрх дүү минь манай гэрийн анхны зээ, 2012 онд мэндэлсэн хүүхэд. Би тухайн үед Бээжинд завгүй оюутан байлаа! Нэг цаг үед хамт сурч байсан найзууд минь хэлээд өгнө дөө!! Төрсөн үрээ нуугаад хаа холдох вэ? Ер нь яах гэж нуух юм! Үрийн заяа гомдлоо, хөөе!!!” хэмээн ихэд бухимдангуй хэлжээ.