Отгонтэнгэр хайрханаас бууж ирсэн арван уулчин СЭМҮТ-д эмчлүүлж байна

Завхан аймгийн Отгон сумын Отгонтэнгэр хайрхан ууланд авиралт хийгээд бууж явсан уулчдаас 17 нь золгүй ослоор амь насаа алдсан харамсалтай хэрэг өнгөрсөн сарын 21-ний өдөр гарсан. Амьд үлдсэн арван уулчдын хувьд сэтгэл санааны хувьд тогтворгүй, гүн шоконд орсон хэмээж байсан. Эх сурвалжийн мэдээллэж буйгаар тэд СЭМҮТ-д хэвтэн эмчлүүлж байгаа юм байна.

Түүнчлэн уулсын спорт сонирхогчид осолдсон 17 нөхдийнхөө гэгээн дурсгалыг хүндэтгэн Монголын Үндэсний Уулчдын Холбоо, Монголын Уулын Аялалын Клубуудын Холбоо, Уул болон аялалын холбоод, клубууд нэгдэн 1000 зул өргөхөөр болжээ. Зул өргөх ёслол маргааш буюу бямба гарагт Сүхбаатарын талбайд болох юм байна.