Сэтгүүлч Дашзэвэгийн талаар цахим ертөнц хоёр хуваагдаад байна

Сүүлийн үед бага насны хүүхдийн хүчирхийлэл, хулгай дээрэм хэрээс хэтэрч олон нийтийг айлгаад байна. Монгол улс тэр чигтээ гаж бузар хүмүүсээр дүүрсэн мэт ар араасаа шил даран гарч буй энэ хэргүүдээс болж эцэг эхчүүд  тайван сууж чадахгүйд хүрээд байна. Одоо сүүлдээ олны танил эрхэм бяцхан охиныг хүчирхийлсэн гэх мэдээ хүртэл яваад буй. Тэр олны танил эрхэм нь аль хэдийнээ 70 гарч яваа Монгол Улсын СГЗ, олон улсын сэтгүүлч, улс төрийн тоймч Б. Дашзэвэг байх юм. Түүний хувьд сурган хүмүүжүүлэх их үйлсэд олон жил зүтгэсэн хүн. Гэтэл бага насны хүүхдийг хүчиндэхийг завдсан байна. Өчигдөр түүнийг сар хорих шийдвэр гарсан. Үүнтэй зэрэгцээд хүмүүс түүнийг ганцхан сар хорих гэлээ хэмээн их л бухимдалтай байгаа. Харин нөгөө талд түүний шавь нар яагаад ч ийм юм хийх хүн биш. Бид багшийгаа мэднэ шүү дээ хэмээцгээж байгаа билээ. Сэтгүүлч Дашзэвэг урьд өмнө нь нэгэн хэвлэлд өгсөн ярилцлагадаа би сексийг тогтмол хийдэг, сайхан хүүхэн хараад сээтэн хаяхгүй эр хүн сэтгэлийн гажигтай байдаг хэмээн яриа өгч байжээ.