Б.Намуун: Итгэл найдвар хамгийн сүүлд бөхдөг

Отгонтэнгэр ууланд авиралт хийж яваад харамсалтайгаар амиа алдсан 14 иргэний цогцсыг өчигдөр орой авчирсан билээ. Харин ууланд алга болсон 17 иргэн байсан ба гурав нь олдоогүй байгаа бөгөөд тэднийг эрэн хайх үйл ажиллагаа үргэлжилж буй. Хүн бүр тэднийг амьд олдоосой хэмээн залбирч сууна. Хэвлэл мэдээлэл, цахим ертөнцөд хамгийн халуун мэдээ энэ л байна. Төрийн өндөрлөгүүд хүртэл санаа зовж шадар сайд өөрийн биеэр ослын газар ажиллаж байгаа. Тэгвэл ерөнхийлөгчийн охин Намуун мөн л гурван уулчинг амьд байгаасай хэмээн залбирч суугаа гэнэ. Тэрээр өөрийн цахим хуудаснаа Итгэл найдвар хамгийн сүүлд бөхдөг хэмээжээ.