Эрүүл мэндийн салбарын сайдыг зөв сонгосон уу

Эрүүл мэндийн салбарыг сэтгүүлч хүн удирдаж, чиглүүлэхээр болсонд зарим хүн дургүйцэх хандлага гаргаж байгаа нь нууц биш. Гэвч Эрүүл мэндийн шинэхэн сайд Д.Сарангэрэл дээрх дургүйцэлд, “Тиймээ би эрүүл мэндийн салбарт мэргэжлийн бус хүн. Гэхдээ би энэ салбарт эхийн сэтгэлээр, эмчийн хандлагаар хандаж ажиллана” хэмээн хариу барьсан. Түүний хувьд гишүүний үүднээс олигтой гарт баригдаж, нүдэнд харагдах зүйл хийгээгүй байсан. Түүний хувьд 2012 онд У.Хүрэлсүх улс төрийн хариуцлагаа ухамсарлан УИХ-ын гишүүнээсээ татгалзахад, Д.Сарангэрэл УИХ-ын гишүүнээр томилогдож байлаа. Тэр ч утгаар нь түүнийг У.Хүрэлсүхийн хүн гэж харах хүн цөөнгүй. Тиймдээ ч сайдын суудалд заларчихлаа гэж ярилцах хүмүүс олон. Ямартай ч энэ салбарыг хөгжүүлнэ  би чадна гэж том амлалт өгсөн түүнийг юу хийхийг харж л сууя.