Охиныг уйлаад байсан болохоор хийгээгүй гэж хойд эцэг нь мэдүүлжээ

Таван насай охин хойд эцэгтээ хүчирхийлүүлсэн байж болзлошгүй хэргийг  прокурорын хяналтаар цагдаагийн байгууллагаас шалгаж байгаа. Уг хэргийн мөрдөн байцаалтын ажиллагаа үргэлжилж байгаа бөгөөд охинд хийсэн шинжилгээний урьдчилсан дүгнэлт гарсан байна.

Тодруулбал охины онгон хальс гэмтээгүй болох нь тогтоогджээ. Харин 28 настай иргэн В нь тухайн өдөр согтуу байсан. Улмаар охиныг хүчиндэхийг завдахад охин уйлаад байсан тул хийгээгүй гэж  анхны мэдүүлгээр хойд эцэг нь хэргээ хүлээсэн байна.

Таван настай охиныг хүчиндээгүй ч гэсэн хүчиндэхийг завдсан гэдэг утгаараа шалгагдаж байгаа зүйл анги нь хэвээр байна. Өөрөөр хэлбэл хүчиндэхийг завдсан этгээд гэмт хэргийн сэдэлтэй байсан гэдэг утгаараа  ял шийтгэл, зүйл анги  нь хүчингийн хэрэг үйлдсэнтэй ижил тооцогддог байна.

Цагдаагийн байгууллагаас хэргийг шалгаж байгаа бөгөөд хойд аав нь гэм буруутай эсэхийг шүүх тогтоох болно. Уг мэдээллийг харвал таван настай охин худлаа хэлсэн болж таараад байгаа юм. Бяцхан хүүхэд ингэж худлаа ярих уу? Аав нь хүчирхийлээгүй юм бол суллагдаж, энэ охины хэрэг дуусах нь. Манайд томоохон хэрэг гарч ард иргэд нь тэмцээд ирэхээр хууль хяналтын томоохон байгууллагууд нийлээд ямар ч асуудалгүй гээд дуусгачихдаг бичэгдээгүй хуультай болж дээ.