О.Баасанхүү: Хөрөнгө орлогоо мэдүүлдэг шиг иргэншлээ мэдүүлэх хэрэгтэй

УИХ-ын гишүүн О.Баасанхүү Үндэсний аюулгүй байдлын зөвлөлийн гишүүдэд хандлаа. Тэрбээр Ерөнхийлөгч Х.Баттулга, УИХ-ын дарга М.Энхболд, Ерөнхий сайд У.Хүрэлсүх нарт хандаж хүсэлт хүргүүлсэн байна. Мөн тэрбээр хүсэлтийнхээ талаар "Өнөөдөр монголын төрд өөр улсын иргэншилтэй хүмүүс байгаа гэдэг асуудал ил далд яригддаг шүү дээ. Ард түмний ой санамж сэргэг. Хэн хэний хүүхэд вэ, ямар удамтай вэ гэдгийг мэдэж л байгаа. Тэр хүмүүс өнөөдөр давхар иргэншилтэй байхыг үгүйсгэх аргагүй. Хөрөнгө орлогын мэдүүлгээ ил болгодог шигээ иргэншлээ бас мэдүүлэх ёстой. Хэрвээ өөр улсын иргэншилтэй байвал манай улсын хууль зөвшөөрөхгүй. Тэр иргэншлийнхээ дагуу байх ёстой газартаа очих хэрэгтэй биз дээ" гэв.