Ерөнхийлөгч хариу өгсний дараа сайд нарыг томилно

Өнөөдөр УИХ-ын чуулганы нэгдсэн хуралдаан хуралдаж сайд нарын томилгоог хэлэлцэх байсан ч тодорхойгүй хугацаагаар хойшилсон. УИХ дахь МАН-ын бүлгээс сайдуудын нэрийг АТГ болон Монгол Улсын Ерөнхийлөгчид хүргүүлсэн билээ. Засгийн газрын гишүүдийг АТГ-аас хянаад "Ашиг сонирхлын зөрчилгүй" хэмээх хариулт өгсөн. Харин сайд нарын нэрийг Монгол Улсын Ерөнхийлөгчид хүргэж, санал зөвшилцсөн боловч тодорхой шийдэлд хүрээгүй учир өнөөдрийн чуулганы нэгдсэн хуралдаан хойшилсон байж магадгүй байна. Зарим эх сурвалжуудын мэдээлж буйгаар Ерөнхийлөгчийн зүгээс ганц, нэг сайдын нэрийг хүлээн зөвшөөрөх үндэслэлгүй гэж харж байгаа бололтой. Иймээс Ерөнхийлөгч сайд нарын нэр дээр санал зөвшилцөж, дэмжсэн тохиолдолд Засгийн газрын сайд нар томилогдох хүлээлттэй байна.