Тууз хайчлуулж нээгдсэн “Жорлон”

Төрийн өндөр албан тушаалтнууд, улстөрчдийн дунд тууз хайчлах “өвчин” хэрээс хэтэрчээ. Зам, эмнэлэг, сургууль, цэцэрлэгийн тохижуулсан өрөө, эрүүлжүүлэх байр. Сүүлдээ “Жорлон” байгуулаад, нээлт дээр нь тууз хайчлаад зогсч байх юм. Энэ явдал Хөвсгөл аймагт болжээ. 50 ариун цэврийн байгууламж, усан зогсоол, нийтийн отоглох цэг, Хатгал, Ханхын нэвтрэх цэг, сумын төв, соёлын төв, эмнэлэг, гэр буудал, өрхийн хэмжээнд загвар болох ариун цэврийн байгууламжийг барьсан юм байна. Гол нь тууз хайчилж олны инээд, тохуу болохгүйгээр даруухан хүлээлгэн өгч болсонгүй юу?