ИСПАНИ СТИЛЬТ ОДГЭРЭЛ КОКТЕЙЛЬД ДУРТАЙ

UBS телевизийн хөтлөгч, редактор Одгэрэл буюу Одко бусад хөтлөгчдөөс ур чадвараараа илүү л болоод байгаа. “Алтан портнёр” Анууштайгаа “Universe Best Songs” наадмыг дөрвөн жил хөтлөхдөө жилээс жилд өнгө орон сайжирсаар  байгаа. Цагаан хоолт бүсгүй маань анх UBS Music-ийн хөтлөгчөөр ажиллаж байхдаа “хэлээ хазаж ярьдаг”, “хөдөөний” гэх мэтчилэн үзэгчдэд нэлээд шүүмжлүүлж байлаа. Гэсэн хэдий ч нэг л өдөр өөрийгөө өөрчлөн, шинэ өнгө төрхтэйгээр гарч ирснээр телевизийнхээ урдаа барьдаг сэтгүүлч, редакторуудын нэг болсон. Бас ч үгүй сэтгүүлчийн үүднээс асуудал хөндсөн хэд хэдэн нэвтрүүлэг бие даан хийдэг, өөрийн яруу найргийн номоо гаргасан, Балхаа захиралтайгаа нийлж хит дуу бүтээсэн зэргээр овоо яваа, залуу сэтгүүлч. 

           Сүүлийн үед арга хэмжээ хөтлөн “халтуур” хийх болсон тэрээр нэгэн хүлээн авалтын үеэр ийнхүү Латин Америк стилиэр хувцаслан, таатай нь аргагүй коктейль шимэн байгаад бидний папараци дуранд өртсөн юм.