РЕППЕР ЗАЛУУГИЙН ЭНГИЙН БАЙДАЛ

“Опозит” хамтлагийн дуучин Гантулга гэгч энэ залууг хүүхэд залуус сайн мэднэ. “Хоёул”, “Хотын шөнө” зэрэг дуунууд нь залууст ихэд хүрсэн. Харин тус хамтлагийн “In my hodood” дуу нь ёстой л “элэг авмаар” инээдтэй дуу. 

Хип хопууд л амьдралын үнэн мөнийг дуулдаг, бүдүүлэгдүү ч гэмээр байдлаар бодит байдлыг “үгэлдэг” гэж ярьдаг. Энэ нь ортой ч юм шиг. “Опозит” хамтлагийн хувьд анх “В” продакшны харьяа уран бүтээлчид байхдаа “Sho” хэмээх нэртэй байсан ба дуучин Эгшиглэнтэй хамтран “Амьдралын тоглоом” дууг олонд танигдаж байсан билээ. Тэгвэл тус продакшнаас өрх тусгаарлах болсноор хамтлагийнхаа нэрийг өөрчилж “Опозит” нэртэй болсон гэдэг. 

Одоогоор тус хамтлаг хоёр гишүүнтэй бөгөөд нэг гишүүн нь АНУ-д суралцаж харин “зөвхөн Монголдоо” Гантулга хотын төвд, тодруулбал Хүнсний нэгдүгээр дэлгүүрийн ойролцоо өөрийн найзтайгаа явж байгаад бидний дуранд өртсөн юм.