С.Жавхлан: Тэмцэл зогсохгүй үргэлжилнэ

УИХ-ын гишүүн С.Жавхлан оффшор данстай холбоотой хэд хэдэн шаардлагуудыг УИХ-ын дарга, Ерөнхийлөгчид хүргүүлсэн ч шаардлагын хариу ирүүлээгүй учир Төрийн ордны өрөөндөө эсэргүүцэл зарлан “амьдарч” байсан. Тэгвэл энэ сарын 3 буюу өнгөрсөн бямба гарагт мэдэгдэл гаргаж, гэртээ харьсан байна.

Тэрбээр “Монгол улсын их хурлын гишүүн Самандын Жавхлан миний бие 81 цагийн турш албан өрөөндөө 3 өдөр, шөнийн турш ерөнхийлөгч,их хурлын дарга, ерөнхий сайд төрийн эрхэм дээдсүүд, намын дарга нарт хүргүүлсэн шаардлагынхаа хариуг хүлээлээ. Би Монголоо заавал гоё болгоно, Хараарай !!! Би ажилдаа ирэхгүй байж үзлээ, ажил дээрээ хонож үзлээ. Одоо би яаж үзэх ёстой юм. Одоо энэ амралтын өдрүүдээр энэ ордонд нохой ч гүйхгүй байлгүй дээ, явж ядаж цамцаа ч болтугай сольё доо, би явлаа гарлаа. Үүний дараа дахиад алхмууд байгаа !!! Тэмцэл зогсохгүй үргэлжилнэ ээ” гэжээ.

Эх сурвалж: Amjilt.com