С.Баярцогтын хүү хадам ааваасаа алтан эмээл бэлгэнд авлаа

С.Баярцогтын хүү Б.Гомбо-Эрдэнэ СХД-ийн АН-ын даргаар ажиллаж байсан. Тэрээр Эрчим хүчний дэд сайдын албан тушаалыг хашиж байсан,"Хөх чоно" группийг үүсгэн байгуулагчдын нэг Ө.Пүрэвбаатарын хүргэн болсон гэнэ.

С.Баярцогт, Ө.Пүрэвбаатар нар 2016 оны УИХ-ын сонгуулиар АН-аас нэр дэвшсэн ч хоёулаа өвдөг шороодсон юм. 

Тэд хүүхдүүдийнхээ хуримыг их л нижгэр тэмдэглэсэн гэнэ лээ. Ө.Пүрэвбаатар хүргэн, охин хоёртоо алтан тоногтой эмээл, хазаар бэлэглэж, хос морь унуулж, бэлтэй гэдгээ харуулаад авсан байна. С.Баярцогтын хүү ерөнхий боловсролыг Хятадад эзэмшиж, их сургуулиа Америкт дүүргэжээ.  Харин Ө.Пүрэвбаатарын охин П.Оюунтөгс Хөгжим бүжгийн коллежийн төгөлдөр хуурын ангийг дүүргэж, олон улсын уралдаануудад амжилттай оролцож байсан бөгөөд мөн л Хятадад боловсрол эзэмшжээ.