Жагсаад үр дүнгүй бол шатаахад бэлэн ард түмэн

Монгол улсын хувьд тайван амгалан байхаа больсон. Иргэд нь ч тэр, улс төрчид нь ч тэр  бүгд л жагсаж, цуглаж тэмцэж байна. Манайхны хувьд нөгөө жагсаал нь сүүлдээ хэрээс хэтэрлээ. Дугуйн замтай болохыг уриалж, Монголын Залуучуудын холбооноос дугуй шатааж байлаа.

Тэгсэн одоо болохоор приусны татвар нэмэхийг эсэргүүцэж приус машин шатаахыг оролдсон байна. Цаашдаа орон сууцны тухай хууль гарвал гэрээ шатааж, гэр бүлийн тухай хууль гарвал эхнэр/нөхөр-өө шатааж мэдэх л улс юм шиг байна. Бүр цаашлаад газрын тухай хууль гарвал эх орноо галдан шатаачихаад л бид эсэргүүцлээ илэрхийлсэн ухааны юм ярих нь ээ. Тэмцэх арга нь арай л ширүүдээд байх шиг. Нөгөөтэйгүүр дээд албан тушаалтнууд нь ард иргэдийнхээ хэлээд яриад байгааг түр ч болов сонсоод өгөхгүй юм.

PAPARATSI.MN