Хүний аминд хүрэх шахсан сонгууль

Тусгаар тогтнолын гадаа эсэргүүцлээ илэрхийлж байсан МАХН-ын нэгэн дэмжигч амиа хорлоно хэмээн өөр дээрээ тос асгажээ. Энэхүү хэрэг өчигдөр оройн 22:00 цагийн орчимд болсон бөгөөд түүний үйлдлийг цагдаагийнхан таслан зогсоосон байна. Улмаар МАН-ын байр буюу Тусгаар тогтнолын ордныг цагдаагийнхан хамгаалалтад аваад байна.  

Өнгөрсөн амралтын өдөр Сонгуулийн Ерөнхий хороо МАХН-ын дарга Н.Энхбаярыг Ерөнхийлөгчид нэр дэвшигчээр бүртгэхээс татгалзсан билээ. Энэ шийдвэрийг эсэргүүцсэн тус намыхан хэвлэлийн бага хурал хийж, нэг талд ажиллалаа хэмээн мэдэгдсэн бол дэмжигчид нь одоог хүртэл жагссаар байгаа юм. Түүний дэмжигсдийн дийлэнхи хувь нь өндөр настай хүмүүс байгаа юм. Ийм халуунд жагсаал цуглаан үргэлжлэвэл юу ч болж болзошгүй билээ. Угаасаа болохгүй зүйлд шунасаар хүний аминд хүрэх гэж байна МАХН-ын бүлгийнхэн минь.  

PAPARATSI.MN